काठमाडौं महानगरका वडाध्यक्षहरूले मेयर बालेन्द्र शाह(बालेन) सँग कार्यपालिका बैठकको माग गरेका छन् । मेयर शाहलाई आइतबार १८ जना वडाध्यक्ष र ६ जना कार्यपालिका सदसयसहित २४ जनाले संयुक्त हस्ताक्षर गर्दै ज्ञापन पत्र बुझाएर कार्यपालिका बैठक माग गरेका हुन् ।
आम नागरिकको योजनाअनुसार विकास निर्माणका काम सुरु हुन नसकेको भन्दै उनीहरुले समाधान कसरी गर्न सकिन्छ भन्ने विषयमा छलफल गर्न कार्यपालिका बैठक माग गरेका हुन् ।
प्रमुख प्रशासकीय अधिकृत नहुँदा शिक्षक र कर्मचारीले तलब पाउन नसकेको शाहको सचिवालयका सुरेन्द्र बजगाईंले बताए । कार्यपालिका बैठक नहुँदा महानगरमा आर्थिक संकट छाएको छ । बैठकले समस्या समाधानको उपायसमेत निकाल्ने उनीहरुले विश्वास समेत व्यक्त गरेका छन् ।
