काठमाडौंमा यस्तो देखियो राजावादीको प्रदर्शन [तस्बिरसहित]

राजसंस्था र हिन्दू राज्य पुनर्स्थापनाको माग राखेर राजावादीहरुले काठमाडौंमा शक्ति प्रदर्शन गरेका छन् । नेताहरु विभिन्न सात ठाउँमा बाँडिएर र्‍यालीको नेतृत्व गरेका थिए।

विभिन्न ठाउँबाट निस्किएको र्‍याली रत्नपार्कमा पुगेर वृहत आन्दोलनमा परिणत भएको छ । र्‍यालीमा राप्रपा, राप्रपा नेपाललगायत राजावादी समूहका नेताहरु  अग्रपंत्तिमा देखिन्थे।

राप्रपाका अध्यक्ष राजेन्द्र लिङदेनले मैतिदेवीबाट जुलुसको नेतृत्व गर्का थिए । यस्तै कमल थापा र नवराज सुवेदीले नेतृत्व गरेको जुलुस सिफलबाट निस्केको थियो। र्‍यालीमा सहभागिहरु पार्टीको भन्दा पनि राष्ट्रिय झण्डा बोक्ने बढी देखिन्थे । ।

यसपटकको राजावादीको आन्दोलनमा दुर्गा प्रसाईंको समूह भने सहभागी भएन । र्‍यालीमा सहभागीहरुले राजतन्त्रको पक्ष र गणतन्त्रको विपक्षमा चर्का नारा लगाएका थिए ।

यसैबीच राजावादीहरूको प्रदर्शनमा घुसपैठ भएको भन्दै दुई जनालाई कार्यकर्ताहरुले नियन्त्रणमा लिएर प्रहरीको जिम्मा लगाइएको छ । दुई जनालाई रत्नपार्कबाट नियन्त्रणमा लिएको हो । उनीहरुको बारेमा प्रहरीले सोधखोज  गरिरहेको छ ।