काठमाडौं, असार ६ :
शुक्रबार दिउँसो परेको वर्षाका कारण काठमाडौंको धोबीखोला करिडोर डुबानमा परेको छ। बाढीले सडक जलमग्न हुँदा केही घण्टासम्म सवारी आवागमन पूर्ण रूपमा ठप्प भयो।
पानीको तीव्र बहावले पुलमुनि पार्क गरिएका गाडीहरू डुबानमा परेका छन् भने सडकका विभिन्न भागमा पानी जमेका कारण आवतजावतमा समस्या भएको छ। मानवीय क्षति भने नभएको प्रहरीले जनाएको छ।
अव्यवस्थित घर निर्माण र पानी निकासको उचित व्यवस्था नभएका कारण वर्षा सुरु भएलगत्तै धोबीखोला बस्तीमा पस्ने गरेको छ। सामान्य वर्षा भए पनि साँगुरो धोबीखोलाले आफ्नो उदण्ड रुप देखाइहाल्छ । आसपासका सडक डुबानमा पर्ने समस्या दोहोरिनु सामान्य जस्तै भएको छ।
