काठमाडौं, असार १३ :
पुरानो बसपार्कमा निर्माणाधीन काठमाडौं भ्यु टावर निर्माण गरिरहेका व्यवसायी एवं ठेकेदार मनोज भेटवाल पक्राउ परेका छन् ।
शुक्रबार उनलाई अनामनगरबाट पक्राउ गरिएको जिल्ला प्रहरी परिसर काठमाडौंका प्रवक्ता अपिलराज बोहोराले जानकारी दिए ।
इनोभेटिभ कन्सेप्ट प्रालिका सञ्चालक भेटवालविरुद्ध जिल्ला प्रहरी परिसर काठमाडौंमा १० करोड रुपैयाँको बैंकिङ कसुर (चेक बाउन्स) को जाहेरी दर्ता भएपछि उनी पक्राउ परेको बुझिएको छ ।
यसअघि उनी २०७९ फागुन १० गते पनि ३ करोड रुपैयाँको चेक बाउन्स मुद्दामा पक्राउ परेका थिए ।
